كلمات حول غزة

عبارات جميلة لغزة
أرض العزة.. فيها الشجر وفيها الحجر عاش بعزة.. فيها الشب وفيها العاجز مات بعزة.. فيها البنت وفيها الطفل بات برعبة.
كانت غزة تنام بسلام.. صارت غزة في الأحلام.. راح الشجر.. وراح الحجر.. راح الشب وراح العاجز ماتت غزة.
غزة تقاوم.. لا ما تساوم.. احنا نكابر والله يا غزة مين يقاوم.. كيف نقاوم.. وين نقاوم.. زنانة بتكشف.. عملا بتعرف.. اباتشي واف16 بتقصف.. دبابة وجرافة بتجرف.. ودم اطفال غزة بينزف.
راحت دور.. بنت قبور.. وكل أرضك صارت بور.. والله يا غزة كل العالم شاف غزة.. كل العالم ناصر غزة.. كل العالم صاح وقال.. سقطت غزة.. احنا في غزة لا ما سقطنا.. احنا في غزة والله صبرنا.. احنا في غزة جعنا وقلنا.. بنموت وبتحيي يا غزة.. بنموت وبتحيي يا غزة.
فيها البيت راح ادمر.. فيها الأم قلبها اتحسر.. فيها الطفل صاح وكبر.. الله يحميكي يا غزة.
صاحت نادت وين الأمة تصون العزة.. قامت أمة.. نامت أمة.. وسابت أطفالك يا غزة.. تعيش بظلمة.
كل شيء بغزة فيها راح.. وصارت مدينة أشباح.. ما بتسمع غير صوت سلاح.. سلاح بيضوي.. إسعاف بدوي.. والشهداء فوق الآلاف.
كل حاكم فيها تاجر.. حتى الطير هج وهاجر.. سابوا غزة هربو وشردوا.. والجيش ارتكب المجازر.
صار الموت فيها عادي.. أسطورة للعدو النازي.. اقصف.. اقتل.. دمر.. خرب.. واشفي صدور هالأعادي.
قطعوا الكهربا وقطعو المي.. وسابو الشهدا بكل حي.. فيها الطفل عاش اتشرد.. بدون مأوى.
كنا بغزة بنبني أحلام.. نحلم لنعيش بسلام.. فجأة صحينا.. قمنا اجرينا.. لقينا غزة في الأوهام.
كل شي بغزة فيها اتقلص.. حتى العمر نفذ وخلص.. هدموا قصورك.. دكوا حصونك.. والمتخبي بجحروا ظل.
يمكن بكرة يصير حل.. والمتخبي بيظهر ويطل.. بيحمل راية.. بيروي رواية.. والشعب بيهتف للكل.
احنا بغزة بين الموت.. ما بنعرف نطلع ونفوت.. يمكن نطلع.. ومش حنرجع.. وبيستنانا شبح الموت.
فيها الطفل كبر بليلة.. والشب شاب بليلة.. واليتيم بدون عيلة.. تحميه من هالبرد.
كل العالم طلع اتظاهر.. ما في واحد منهم كابر.. رفعوا علمنا.. حملوا رايتنا.. بشعار الله عالظالم.
كل العرب حلف اتوعد.. وأكثر شي هدد وندد.. وما في واحد منهم صعد.. لأنو العربي ما بيتوحد.
صغير غزة صار كبير.. والكبير متخبي في بير.. وما ظل فيها ولا أمير.. ولا واحد بيسترجي يبين.
ما بيختلف نهار وليل.. كلنا في غزة ذقنا الويل.. والظالم يا ويله ويل.. من الله رب الكل.
احنا بغزة برقبة مين.. شو بيستنوا صلاح الدين.. ولا حجارة من سجين.. تنزل على راس المحتل.
كبار غزة هجوا ورحلوا.. أكلوا وشربوا ونهبوا وسرقوا.. والي ظلوا بنفق اتخبوا.. وبنستنى منهم يحكوا.
الكبار احنا عرفناهم.. واللي برة الله يمحاهم.. دمروا غزة.. وباعوا ترابها.. وسابوا أهلها تعيش بغابة.. وتقولوا الله يحماهم.
صارت غزة سوق سودة.. بدك شغلة بتبعت سوقة.. حتى العيشة صارت سودة.. بأسوارك والله يا غزة.
شافت غزة أعنف حرب.. على كرسي والله مالو جنب.. راحو فيها ناس كثيرة.. والله ما الهم ولا ذنب.
يلا اتحدوا شدو الهمة.. على الله تزول هالغمة.. وترجع بيناتنا اللحمة.. ونحيا بوطن مالو هم.
والله يا عالم احنا غلابة.. ما بدنا نعيش بهالغابة.. ولا بدنا أسود ولا ذيابة.. تنهش فينا من كل جنب.
احنا بغزة بدنا سنين.. لتشفى جراح الغاليين.. اللي استشهد.. واللي اتقطع.. واللي بيقضي عمرو أنين.
احنا بغزة بكل حارة.. بتيجي علينا كل يوم غارة.. والعالم بلبس نظارة.. وما في عندو غير يا خسارة.
يرحم روحك يا ختيار.. ما بتقبل ذل ولا عار.. بصمودك كبروا الثوار.. يا غالي يا أبو عمار.
آخر كلمة بدي أقولها.. والعالم كلوا لازم يقولها.. يرحم شهدائك يا غزة.. يشفي جرحاكي يا غزة.. يحرّر أسراك يا غزة.. الله.. الله.. الله يحماك يا غزة.
 موقع: موضوع